Í útvarpsþættinum Fótbolti.net á X977 á laugardaginn var farið yfir síðustu ótímabæru spá Bestu deildarinnar fyrir tímabilið 2023.

Það eru bara 28 dagar í að keppni hefst í Bestu deildinni og nánast má segja að þetta sé tímabær spá.

Staða fjögurra efstu liða deildarinnar helst óbreytt en hástökkvarar mánaðarins eru KR-ingar sem fara upp í efri hlutann í spánni.

ÍBV fer einnig upp um sæti en FH þarf að sætta sig við að falla niður um tvö. Skellur liðsins gegn ÍBV á dögunum hefur þar mikið að segja.