KR lék tvo heimaleiki á Þróttarvelli á síðasta tímabili.
Framkvæmdir eru á Meistaravöllum, heimavelli KR, þar sem verið er að leggja gervigras. Fyrstu heimaleikir KR í Bestu deildinni fara því fram á Þróttarvelli, AVIS-vellinum í Laugardal.
„Við stefnum að því að koma heim í maí, svo ég svari því pólitískt. Það er allt á fullu og það gengur vel en svona stór byggingarverkefni eru flókin," sagði Magnús Orri Schram, formaður knattspyrnudeildar KR, í útvarpsþættinum Fótbolti.net.
„Við stefnum að því að koma heim í maí, svo ég svari því pólitískt. Það er allt á fullu og það gengur vel en svona stór byggingarverkefni eru flókin," sagði Magnús Orri Schram, formaður knattspyrnudeildar KR, í útvarpsþættinum Fótbolti.net.
KR-ingar ætla að búa til góða heimaleikjaumgjörð í Laugardalnum en annað kvöld taka þeir á móti Val.
„Það er frábært að vinna með Þrótturunum í því og mjög gott samstarf á milli félagana. Við erum núna að nota LED-skiltin frá kvennalandsleikjunum, það verður flott umgjörð. Ég hugsa að það verði pakkað á vellinum og mikil stemning."
KR-ingar þekkja Þróttarvöllinn vel en þar léku þeir tvo heimaleiki á síðasta tímabili.
Í útvarpsþættinum ræddi Magnús Orri nánar um fyrirhugaða uppbyggingu á KR-svæðinu en þáttinn má heyra í heild í spilaranum hér fyrir neðan.
Besta-deild karla
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Víkingur R. | 22 | 12 | 6 | 4 | 47 - 27 | +20 | 42 |
| 2. Valur | 22 | 12 | 4 | 6 | 53 - 35 | +18 | 40 |
| 3. Stjarnan | 22 | 12 | 4 | 6 | 43 - 35 | +8 | 40 |
| 4. Breiðablik | 22 | 9 | 7 | 6 | 37 - 35 | +2 | 34 |
| 5. FH | 22 | 8 | 6 | 8 | 41 - 35 | +6 | 30 |
| 6. Fram | 22 | 8 | 5 | 9 | 32 - 31 | +1 | 29 |
| 7. ÍBV | 22 | 8 | 5 | 9 | 24 - 28 | -4 | 29 |
| 8. KA | 22 | 8 | 5 | 9 | 29 - 39 | -10 | 29 |
| 9. Vestri | 22 | 8 | 3 | 11 | 23 - 28 | -5 | 27 |
| 10. KR | 22 | 6 | 6 | 10 | 42 - 51 | -9 | 24 |
| 11. ÍA | 22 | 7 | 1 | 14 | 26 - 43 | -17 | 22 |
| 12. Afturelding | 22 | 5 | 6 | 11 | 29 - 39 | -10 | 21 |
Athugasemdir
