Heimir Guðjónsson, þjálfari Vals, var spurður út í Guðmund Andra Tryggvason á nýjan leik eftir 2-1 tap gegn Stjörnunni í Pepsi Max-deildinni í gær
Valur keypti Guðmund Andra frá Start í Noregi rétt eftir að tímabilið hófst. Kaupverðið er talið vera á bilinu 10-11 milljónir íslenskra króna.
Guðmundur Andri var mikið meiddur áður en hann kom í Val og spilaði lítið sem ekkert með Start.
Hann hefur ekki mikið spilið í upphafi tímabils og ekki enn byrjað leik. Hann kom inn á sem varamaður snemma í seinni hálfleiknum í gær.
Heimir var spurður að því hvort að það væru einhverjar ástæður fyrir því að Guðmundur væri að spila svona lítið.
„Hann kom inn á í dag og gerði fína hluti. Við byggjum ofan á það. Það verður að sýna þolinmæði í fótboltanum," sagði Heimir en viðtalið við hann má sjá í heild sinni hér að neðan.
Sjá einnig:
G. Andri ónotaður varamaður - „Þurftum að setja Orra inn á"
Athugasemdir
