Fyrirliðarnir Pálmi Rafn og Haukur Páll.
Valur og KR leika til úrslita í Borgunarbikarnum á laugardag. Haukur Páll Sigurðsson, fyrirliði Vals, hefur verið að glíma við meiðsli og fór meiddur af velli á mánudag þegar Valur tapaði fyrir Breiðabliki.
„Standið á mér er betra í dag en það var í gær. Það er það eina sem ég get sagt núna. Það er æfing á eftir og þá kemur þetta betur í ljós. Ég mun gera allt til að ná þessum leik, ég hef aldrei farið í bikarúrslit áður," sagði Haukur við Fótbolta.net í hádeinu.
„Tveir stærstu klúbbar landsins eru að fara að spila upp á bikar, það hlýtur að selja. Ég held að þetta eigi eftir að verða erfiður leikur fyrir bæði lið en jafnframt skemmtilegur vonandi."
Valur hefur tapað þremur leikjum í röð í Pepsi-deildinni. Er það mínus fyrir sjálfstraust liðsins?
„Í sjálfu sér ekki. Við ýtum deildinni núna til hliðar og spáum ekkert í því. Við ætlum okkur að eiga flottan leik á laugardaginn,. Við ætlum okkur að ná í þennan bikar og gera þetta að enn skemmtilegra tímabili."
Viðtalið má sjá í sjónvarpinu hér að ofan.
Fótbolti.net verður með sérstakan bikarúrslitaþátt á laugardag á X-inu FM 97,7 milli 12 og 14. Umsjónarmenn eru @tomthordarson og @elvargeir. Hitað verður upp fyrir leikinn en Pétur Pétursson og Þorgrímur Þráinsson verða meðal gesta.
Þú getur hlustað á X-ið á netinu með því að smella hérna
Athugasemdir
