Víkingur Ólafsvík fékk Selfoss í heimsókn í kvöld í Inkasso-deildinni og gerðu liðin 1-1 jafntefli. Víkingar voru með yfirhöndina í fyrri hálfleik en sama var ekki uppá teningnum í þeim síðari. Selfyssingar sóttu vel og voru á tímum óheppnir að skora ekki fleiri.
Lestu um leikinn: Víkingur Ó. 1 - 1 Selfoss
Víkingar hefðu getað lyft sér upp í topp sæti deildarinnar með sigri og gátu þeir ekki beðið um "þæginlegri" mótherja en botnlið deildarinnar til að ná því en jafntefli varð niðurstaðan og situr því liðið áfram í 3 sæti deildarinnar og gætu farið niður í það 4 takist Þór að sigra sinn leik á morgun.
"Mér fannst við eiga allan leikinn og við áttum bara að skora seinna markið og klára leikinn. Ég held að þetta hafi verið eina marktilraunin þeirra og okkar leikmaður skallar hann inn. Þetta var svekkjandi"
Víkingar, líkt og í síðasta leik gegn Haukum voru mikið með boltann en náðu ekki nægilega mikið að ógna markverði andstæðingsins.
"Báðir þessir tveir leikir hefðu getað endað 3, 4-0 en það vantar bara uppá gæðin á lokaþriðjungnum"
Selfoss lág vel til baka og reyndi að beita skyndisóknum. Ejub var ekki hrifinn af leikstíl Selfyssinga og sagði þá spila með 10 í vörn og dúndra fram og kasta hverju einasta innkasti lengst inní teig.
Viðtalið má sjá í heild sinni í tækinu hér fyrir ofan
Athugasemdir