England: Jesus í banastuði - Auðvelt hjá Man City

Á Emirates leikvangnum í London var Gabriel Jesus í miklu stuði. Hann skoraði tvö mörk og lagði upp önnur tvö. Brasilíumaðurinn kom Arsenal yfir í fyrri hálfleiknum með frábæru marki en hann skaut þá úr skrefinu í fjærhornið.

Hann var aftur á ferðinni stuttu síðar þegar hann skallaði knöttinn í netið og kom heimamönnum í 2-0. Leicester hélt að það væri að fá víti stuttu síðar en VAR skoðaði atvik þegar það virtist vera brotið á Jamie Vardy. Niðurstaðan varð enginn vítaspyrna.

Snemma í síðari hálfleiknum skoraði varnarmaðurinn William Saliba slysalegt sjálfsmark en einungis tveimur mínútum síðar tvöfaldaði Granit Xhaka forystuna eftir slæm mistök hjá Danny Ward í marki Leicester.

James Maddison náði að minnka muninn niður í eitt mark en Arsenal gerði eins og áður og svaraði strax með öðru mark. Þar var að verki Gabriel Martinelli. Lokatölur 4-2 fyrir Arsenal.

Manchester City fór létt með Bournemouth en liðið vann 4-0. Staðan var 3-0 í hálfleik en Ilkay Gundogan, Phil Foden og Kevin De Bruyne skoruðu mörk City og þá var eitt markanna sjálfsmark.

Brighton og Newcastle gerðu 0-0 jafntefli sem og Wolves og Fulham. Aleksandar Mitrovic klúðraði vítaspyrnu fyrir Fulham en Jose Sá varði frá honum.

Þá missti Leeds niður 2-0 forystu gegn Southampton á útivelli.

Arsenal 4 - 2 Leicester City
1-0 Gabriel Jesus ('23 )
2-0 Gabriel Jesus ('35 )
2-1 William Saliba ('53 , sjálfsmark)
3-1 Granit Xhaka ('55 )
3-2 James Maddison ('74 )
4-2 Gabriel Martinelli ('75 )

Aston Villa 2 - 1 Everton
1-0 Danny Ings ('31 )
2-0 Emiliano Buendia ('86 )
2-1 Lucas Digne ('87 , sjálfsmark)

Brighton 0 - 0 Newcastle

Manchester City 4 - 0 Bournemouth
1-0 Ilkay Gundogan ('19 )
2-0 Kevin de Bruyne ('31 )
3-0 Phil Foden ('37 )
4-0 Jefferson Lerma ('79 , sjálfsmark)

Southampton 2 - 2 Leeds
0-1 Rodrigo Moreno ('46 )
0-2 Rodrigo Moreno ('60 )
1-2 Joe Aribo ('72 )
2-2 Kyle Walker-Peters ('81 )

Wolves 0 - 0 Fulham
0-0 Aleksandar Mitrovic ('81 , Misnotað víti)