13.10.24 - 16:30
Jóhann Þór Hólmgrímsson
Yamal ekki með gegn Serbíu - Glímir við álagsmeiðsli
Mynd: EPA
Mynd: EPA
Lamine Yamal verður ekki með spænska landsliðinu sem tekur á móti Serbíu í Þjóðadeildinni á þriðjudaginn.
TENGT EFNI
Yamal fékk að finna fyrir því - „Er ekki hræddur við þig"
Yamal meiddist í sigri gegn Danmörku í gær en hann var sendur aftur til Barcelona í kjölfarið. Hann fór í myndatöku en ekkert alvarlegt kom í ljós.
Það hefur verið ákveðið að hvíla hann gegn Serbíu til að koma í veg fyrir frekari álagsmeiðsli.
Þessi 17 ára gamli vængmaður hefur komið gríðarlega sterkur inn í lið Barcelona og spænska landsliðsins á ansi stuttum tíma. Hann kom við sögu í 50 leikjum fyrir Barcelona á síðustu leiktíð og var í kjölfarið lykilmaður þegar Spánn varð Evrópumeistari í sumar.
Hann hefur spilað 11 leiki og komið að tíu mörkum með Barcelona á þessari leiktíð.
