Liverpool gæti hreinlega ekki verið óheppnara þegar kemur að miðvarðarstöðunni.

Virgil van Dijk, besti varnarmaður ensku úrvalsdeildarinnar, er frá út tímabilið vegna meiðsla. Joe Gomez fór svo í aðgerð í gær eftir að hann meiddist á hné á æfingu enska landsliðsins. Hinn 23 ára gamli Gomez verður frá keppni í nokkra mánuði.

Liverpool gæti keypt miðvörð í janúar í ljósi þessara frétta. Joel Maip er eini reynslumikli miðvörðurinn sem er heill heilsu en Nathaniel Phillips og Rhys Williams hafa báðir fengið tækifæri að undanförnu. Þá gæti miðjumaðurinn Fabinho spilað í hjarta varnarinnar en hann snýr aftur eftir meiðsli þegar boltinn byrjar að rúlla eftir landsleikjahlé.

Á fyrsta tímabili Jurgen Klopp sem stjóra Liverpool fékk félagið Steven Caulker á láni frá QPR. Caulker spilaði sem sóknarmaður fyrir Liverpool og lagði meðal annars upp sigurmark fyrir Adam Lallana í eftirminnilegum 5-4 sigri á Norwich.

Caulker, sem hefur alla tíð spilað sem varnamaður, grínaðist með það á Twitter að hann væri til í að snúa aftur til félagsins ef hann fengi að spila frammi.

Caulker er á mála hjá Alanyaspor í Tyrklandi. Vefsíðan Goal grínaðist með það á Twitter að Klopp ætti að sækja Caulker, sem kom að níu mörkum í Tyrklandi á síðustu leiktíð. Hann svaraði tístinu og skrifaði: „Ég kem bara til baka ef ég fæ að spila frammi."

Hér að neðan má sjá tístið.

I’m only coming back if I’m playing up front! 😂 #YNWA

— Steven Caulker (@StevenCaulker44) November 11, 2020

STUÐNINGSSVEIT
FÓTBOLTA.NET

Tryggjum framtíð Fótbolta.net

Fótbolti.net er eini stóri fjölmiðillinn á Íslandi sem nýtur ekki ríkisstyrkja.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit