Luka Modric.
Króatíski miðjumaðurinn Luka Modric er ekki alveg hættur að spila en hann er farinn að hugsa um hvað hann ætlar að gera eftir ferilinn.
Wales Online segir frá því í dag að Modric sé að fjárfesta í fótboltafélaginu Swansea og mun hann eignast hlut í félaginu.
Wales Online segir frá því í dag að Modric sé að fjárfesta í fótboltafélaginu Swansea og mun hann eignast hlut í félaginu.
Samningur hins 39 ára gamla Modric hjá Real Madrid rennur út í sumar og er óvíst hvort að hann muni spila þar áfram.
Þegar Modric var upp á sitt besta var hann einn besti fótboltamaður í heimi og vann hann Ballon d'Or verðlaunin - sem veitt eru besta fótboltamanni í heimi - árið 2018.
Wales Online segir að samkomulag sé í höfn um kaup hans á ákveðnum hlut í Swansea og von sé á tilkynningu fljótlega. Ekki er vitað hversu stór hluturinn er.
Swansea leikur í ensku Championship-deildinni, næst efstu deild Englands.
Modric lék áður á Englandi með Tottenham.
Athugasemdir
