Gregg Ryder.
„Þetta var mikilvægur sigur eins og allir aðrir. Ég er sáttur," sagði Gregg Ryder þjálfari Þróttar eftir 2-0 sigur á Grindavík í 1. deildinni í kvöld.
Lestu um leikinn: Þróttur R. 2 - 0 Grindavík
Omar Koroma og Jón Arnar Barðdal komu inn á í upphafi síðari hálfleiks og stóðu sig vel.
„Þeir breyttu leiknum. Johnny kom nálægt báðum mörkunum og Omar skoraði. Við erum með góðan hóp og leikmenn sem geta breytt leikjum og þeir gerðu það. Þeir eiga hrós skilið."
Hallur Hallsson, fyrirliði Þróttar, var rekinn af velli undir lokin þegar hann fékk sitt annað gula spjald.
„Þetta var mjög skrýtið því að línuvörðurinn rak hann út af. Maður sér það ekki oft. Þetta var frekar saklaust brot. Þetta var skrýtið."
Þróttarar eru sjö stigum á undan Þór þegar sex umferðir eru eftir en menn í Laugardalnum eru ekki byrjaðir að fagna Pepsi-deildarsæti.
„Við eigum leik gegn KA á þriðjudaginn og ætlum okkur þrjú stig þar. Við fögnum eftir tímabil þegar við erum komnir upp. Við fögnum ekki neiit. Það er engin ástæða til að fagna," sagði Gregg.
Hér að ofan má sjá viðtalið í heild sinni.
