Paul Pogba.
Viðræður Juventus við Paul Pogba um riftun á samningi hans eru að þokast áfram.
Pogba féll á lyfjaprófi í fyrra og var dæmdur í fjögurra ára bann. Það bann var stytt í 18 mánuði á dögunum og getur hann hafið æfingar aftur í janúar. Hann má svo byrja að spila í mars.
Pogba er 31 árs gamall og hefur ekki spilað keppnisfótbolta síðan í september 2023.
Hann er núna samningsbundinn Juventus og er það til 2026 en ítalska félagið ætlar ekki að gefa honum annað tækifæri; hann mun ekki spila aftur fyrir Juventus og er ekki í plönum félagsins.
Allt útlit er fyrir það að hann verði án félags í byrjun næsta árs en Marseille í Frakklandi hefur sýnt honum hvað mestan áhuga.
Athugasemdir
