Stocklasa var fyrsti þjálfarinn sem er frá Liechtenstein sem stýrði landsliði þjóðarinnar

Austurríkismaðurinn Rene Pauritsch, sem er yfirmaður fótboltamála hjá Liechtenstein, hefur tekið við landsliðinu til bráðabirgða og mun stýra í leikjunum sem framundan eru. Liechtenstein mætir Portúgal í komandi gluga áður en kemur að leiknum gegn Íslandi.

Liechtenstein er eitt lélegasta landslið heims, það situr í 198. sæti á styrkleikalista FIFA og hefur gengið í gegnum 24 leiki án þess að vinna sigur. Ísland vann Liechtenstein 4-1 og 4-0 fyrir tveimur árum þegar liðin voru saman í riðli í undankeppni HM.

Landsliðshópur Liechtenstein fyrir komandi leiki var opinberaður í gær og má skoða hann hér.

Þrettán leikmenn í hópnum spila með félagsliðum frá Liechtenstein en níu með liðum í Austurríki og Sviss. Sá sem sker sig úr er Dennis Salanovic, vængmaður CF Talavera í spænsku C-deildinni. Landsleikjahæstur í hópnum er bakvörðurinn Seyhan Yildiz sem hefur leikið 60 landsleiki en hann spilar fyrir Eschen/Mauren.

Áður en Ísland mætir Liechtenstein munu strákarnir okkar leika gegn Bosníu en sá leikur verður á fimmtudaginn í næstu viku.