Afturelding er búin að ganga frá félagaskiptum Hafliða Sigurðarson sem er búinn að skrifa undir þriggja ára samning við félagið.
Hafliði var meðal betri leikmanna Aftureldingar síðasta sumar og skoraði 6 mörk í 11 leikjum er Afturelding vann 2. deildina. Hann missti af seinni hluta tímabilsins vegna háskólanáms í Bandaríkjunum.
Hafliði var hjá félaginu að láni frá Fylki en er nú orðinn leikmaður Aftureldingar.
Hafliði getur leikið á miðjunni og kantinum. Hann er fæddur 1997 og er góður liðsstyrkur fyrir baráttuna sem er framundan í Inkasso-deildinni.
Athugasemdir