Andri Hjörvar Albertsson, þjálfari Þórs/KA
„Ég er pínu svekktur, mér fannst vera smá von þarna á tímabili að fá meira út úr leiknum en svo fór sem fór. Við erum að gera marga hluti alveg ágætlega en því miður ekki nógu oft." voru fyrstu viðbrögð Andra Hjörvars Albertssonar þjálfara Þórs/KA.
Lestu um leikinn: Breiðablik 3 - 1 Þór/KA
„Í markinu sem við skorum að það var akkúrat uppleggið sem við lögðum upp með að reyna skora mörkin svona. Við gerum þetta bara því miður nógu oft og við vorum undir í baráttunni á nokkrum sviðum inn í okkar teig aðallega."
Hvernig fannst Andra leikurinn spilast í dag?
„Mér fannst við byrja leikinn ákaflega vel eiginlega bara eins og við gerðum í síðasta leik á móti Selfossi.Mér fannst við vera mjög sprækar og ferskar, við náðum að pressa á þær frekar hátt uppi á vellinum og koma þeim í smá vandræði en svo duttum við aftur niður og vorum kannski að spila varnarleikinn frekar en sóknarleikinn."
Þór/KA fékk á sig þrjú mörk í dag og var Andri Hjörvar spurður út í varnarleik liðsins.
„Varnarleikurinn var, það er skrítið að segja þetta en hann var ágætur, við fengum á okkur alltof marga krossa og stöðurnar sem þær komast í til að taka þessa krossa gerðist örugglega of oft að mínu mati."
Viðtalið í heild sinni má sjá í sjónvarpinu hér að ofan.
