„Bara gríðarlega svekktur. Vorum komnir með þetta í nánast báðar greipar en þeir refsuðu okkur seint í uppbótartíma og auðvitað er það alltaf ógeðslega fúlt að taka á því. En við verðum að skoða þá stöðu, bara halda áfram að vinna og sjá hvað fór úrskeiðis,'' sagði Óli Stefán Flóventsson, þjálfari KA eftir dramatískt 1-1 jafntefli við HK í Pepsi Max deild karla í dag.

Lestu um leikinn: KA 1 -  1 HK

„Við vorum sem betur fer bara þéttir, eins og við höfum verið síðustu fimm leiki og höfum ekki tapað þeim. HK fær kannski eitt færi í leiknum, en við gátum samt gert betur í okkar uppspili og á mörgum stundum, þó að vissulega hafi komið góðir kaflar inn á milli.''

Það einkennir oft lið í baráttu í neðri hluta deildarinnar að eiga í basli með að loka leikjum og sýna yfirvegun fyrir framan markið. Óli Stefán sagði það vera stillingaratriði og sagði KA ekki langt frá liðunum fyrir ofan sig.

„Það má líka skoða það þannig að við gerum rosalega vel í því að koma okkur í þessar stöður og þá er slúttið bara stillingaratriði. Við höfum verið að spila vel í seinni umferðinni. Við erum einni vítaspyrnu í Vestmanneyjum frá því að vera í 5. sætinu og svo erum við í 5. sæti á 97. mínútu, þannig að við erum ekkert langt frá þessum liðum þó að við höfum vissulega verið talaðir niður í sumar.''

Viðtalið má sjá í heild sinni í spilaranum hér að ofan.

Tweet

Senda a Facebook Hafdu samband Senda frétt Prenta frétt Frétta leit