Byrjunarliðin á Englandi: Gylfi Þór veikur - Óbreytt lið hjá Ole og Mourinho

Klukkan 14:00 hefjast tveir leikir í ensu úrvalsdeildinni. Manchester United fær Everton í heimsókn og Tottenham heimsækir Wolves. Fyrrnefnda viðureignin verður í beinni útsendingu klukkan 14:00 á Síminn Sport.

Manchester United hefur unnið þrjá leiki í röð í öllum keppnum og þar á meðal eru sigrar á Tottenham og Manchester City. Everton vann um síðustu helgi fyrsta leikinn undir stjórn Duncan Ferguson sem tók við sem bráðabirgðastjóri í kjölfar brottreksturs Marco Silva.

Í Wolverhampton mætast stjórarnir: Jose Mourinho hjá Tottenham og Nuno Espiranto Santo, stjóri Wolves. Þeir þekkjast vel því Mourinho þjálfaði Santo þegar hann var leikmaður hjá Porto.

Ole Gunnar Solskjær, stjóri United, gerir engar breytingar frá sigrinum á Manchester City fyrir rúmri viku.

Duncan Ferguson gerir fjórar breytingar frá sigrinum gegn Chelsea um síðustu helgi. Yerri Mina, Seamus Coleman, Tom Davies og Bernard koma inn í liðið, Gylfi Þór Sigurðsson er ekki með vegna veikinda.

Jose Mourinho gerir engar breytingar frá sigrinum gegn Burnely í síðustu umferð og Santo gerir ekki heldur neinar breytingar frá 2-2 jafntefinu gegn Brighton.