Hvað gera Evrópumeistarararnir?
Alli Jói og Aron Baldvin spá í leikina.
Lautaro skoraði glæsilegt mark í fyrri leiknum.
Átta liða úrslitin í Meistaradeildinni klárast í kvöld. Ríkjandi Evrópumeistarar hafa heldur betur verk að vinna gegn Arsenal þar sem staðan er 3-0 Arsenal í vil eftir fyrri leikinn. Inter leiðir þá með einu marki fyrir heimaleikinn gegn Bayern. Báðir leikirnir hefjast klukkan 19:00 í kvöld.
Meistaraspáin er skemmtileg keppni sem er spiluð með fram útsláttarkeppninni. Sérfræðingar í ár eru Alli Jói, þjálfari Völsungs, og Aron Baldvin Þórðarson, aðstoðarþjálfari Víkings. Aðili frá Fótbolta.net spáir einnig í leikina. Spáð er um úrslit allra leikja í útsláttarkeppni Meistaradeildarinnar. Fyrir hárréttar lokatölur fást þrjú stig en eitt stig ef rétt tákn er á leiknum.
Ekkert stig fékkst úr leikjunum í gær. Svona spá sérfræðingarnir leikjum kvöldsins:
Meistaraspáin er skemmtileg keppni sem er spiluð með fram útsláttarkeppninni. Sérfræðingar í ár eru Alli Jói, þjálfari Völsungs, og Aron Baldvin Þórðarson, aðstoðarþjálfari Víkings. Aðili frá Fótbolta.net spáir einnig í leikina. Spáð er um úrslit allra leikja í útsláttarkeppni Meistaradeildarinnar. Fyrir hárréttar lokatölur fást þrjú stig en eitt stig ef rétt tákn er á leiknum.
Ekkert stig fékkst úr leikjunum í gær. Svona spá sérfræðingarnir leikjum kvöldsins:
Aðalsteinn Jóhann Friðriksson
Inter 1 - 1 Bayern Munchen
Simeone skákar Kompany í þessum leik. Get alveg séð markalausan leik þar sem Inter lokar öllu. En það er leiðinlegt að spá því svo förum í 1-1. Kane og Martínez skora mörkin.
Real Madrid 4 - 0 Arsenal
Spái Real áfram eftir venjulegan leiktíma. Til vara vinna þeir þetta eftir framlengdan leik. Real skorar snemma og þá fer um Arsenalmenn og Real gengur á lagið. Ekki sofa á þessum leik.
Aron Baldvin Þórðarson
Inter 1 - 2 Bayern (Bayern vinnur í vító)
Það er erfitt að finna skemmtilegra sjónvarpsefni en vítaspyrnukeppnir. Fáum svoleiðis í kvöld!
Real Madrid 4 - 0 Arsenal
Real leikmennirnir eru búnir að gera þennan leik spennandi með því að tala stórt fyrir leikinn. Maður verður að halda með því. Það er líka ekkert annað í boði þar sem Sölvi lítur svakalega upp til Ancelotti og er alveg búinn að selja manni að halda með þeim töffara.
Fótbolti.net - Guðmundur Aðalsteinn
Inter 2 - 0 Bayern
Þetta verður frekar þægilegt fyrir Inter í kvöld. Það eru meiðsli að hrjá leikmannahóp Bayern. Musiala er meiddur og Neuer er meiddur. Þeir eiga ekki breik, því miður.
Real Madrid 4 - 0 Arsenal
Þetta verður rosaleg endurkoma. Það er svo týpískt Arsenal að klúðra þessu og þeir gera það. Vini og Mbappe verða í öðrum gír í kvöld og svo skorar Bellingham jafnvel líka. Ótrúleg úrslit. Mögulega fer þetta í framlengingu en ég held jafnvel ekki.
Staðan í heildarkeppninni:
Alli Jói - 16
Aron Baldvin - 18
Fótbolti.net - 18
Athugasemdir
