Pope, Koulibaly, De Bruyne og Jesus eru meðal leikmanna sem Garth Crooks, sérfræðingur BBC, velur í úrvalslið 2. umferðar ensku úrvalsdeildarinnar.
Markvörður: Nick Pope (Newcastle United) - Átti mikilvægar vörslur í markalausum leik gegn Brighton.
Varnarmaður: Kalidou Koulibaly (Chelsea) - Chelsea virðist hafa keypt rétta manninn til að fylla skarð Antonio Rudiger. Mark Koulibaly gegn Tottenham var glæsilegt.
Varnarmaður: Pontus Jansson (Brentford) - Brentford vann Man Utd 4-0 og fyrirliðinn gaf Rauðu djöflunum ekki neitt andrými.
Varnarmaður: Tyrone Mings (Aston Villa) - Geymdur á bekknum í fyrstu umferðinni en kom inn í liðið og átti stórleik í sigri gegn Everton.
Miðjumaður: Reece James (Chelsea) - Skoraði í Lundúnaslagnum og stjarna hans skein skært.
Miðjumaður: Kevin de Bruyne (Manchester City) - Belgíski snillingurinn var meðal markaskorara í stórsigri gegn Bournemouth.
Miðjumaður: Granit Xhaka (Arsenal) - Var hrikalega öflugur gegn Leicester og skoraði eitt af mörkunum.
Miðjumaður: Mathias Jensen (Brentford) - Danski landsliðsmaðurinn var frábær, með mark og stoðsendingu, þegar Brentford rúllaði yfir Manchester United.
Sóknarmaður: Gabriel Jesus (Arsenal) - Skoraði tvö og lagði upp tvö. Svo nálægt því að skora þrennu.
Sóknarmaður: Rodrigo Moreno (Leeds United) - Byrjar nýtt tímabil á þremur mörkum í tveimur leikjum.
Sóknarmaður: Luis Díaz (Liverpool) - Jafnaði fyrir Liverpool gegn Palace í 1-1, sem urðu lokatölur.
Athugasemdir
