Samkvæmt heimildum vefmiðilsins hafa bæði félög verið með njósnara á leikjum Lille í Frakklandi til að fylgjast með Hákoni.

Í grein miðilsins er Hákoni líkt við Antoine Griezmann, landsliðshetju Frakklands, og því haldið fram að hann geti leyst af hólmi lykilmenn hjá Lundúnafélögunum; Eberechi Eze hjá Palace og Son Heung-min hjá Tottenham.

Hákon er bara 21 árs gamall og á framtíðina svo sannarlega fyrir sér.

Hann hefur misst af síðustu leikjum Íslands vegna meiðsla en það er ólíklegt að hann spili mikið meira á þessu ári vegna þeirra.

Það væri auðvitað gríðarlega skemmtilegt að fá annan Íslending í ensku úrvalsdeildina en Hákon Rafn Valdimarsson er núna á mála hjá Brentford.