Byrjunarlið Everton og Liverpool: Thiago og Mane byrja - Gylfi á bekknum

Everton og Liverpool mætast í nágrannaslag klukkan 11:30. Leikurinn er í beinni útsendingu á Síminn Sport og fer fram á Goodison Park, heimavelli Everton.

Leikurinn er viðureign toppliðsins í deildinni og Englandsmeistara síðasta tímabils. Everton er með fullt hús stiga á toppnum og hefur ekki unnið Liverpool á síðustu tíu árum.

Gylfi Þór Sigurðsson er á bekknum hjá Everton eftir að hafa byrjað síðasta deildarleik. Andre Gomes og Allan snúa aftur inn á miðjuna í liði Everton.

Alls eru fjórar breytingar á liði Liverpool. Þeir Thiago Alcantara, Joel Matip og Jordan Henderson koma inn í lið Liverpool. Diogo Jota er á bekknum og Adrian ver mark liðsins þar sem Allisson er meiddur. Sadio Mane tekur sæti Jota í byrjunarliðinu en Mane var fjarverandi vegna kórónaveirunnar í síðasta deildarleik.