Stuðningsmenn ÍR brjálaðir út í Árna

Í gær tilkynnti Fylkir að Árni Freyr Guðnason væri orðinn nýr þjálfari meistaraflokks karla. Árni, sem kemur frá ÍR, er fyrrum leikmaður Fylkis og tekur við liðinu eftir að tímabilinu í Bestu deildinni lýkur.

Árni fer til Fylkis mánuði eftir að hafa framlengt samning sinn við ÍR. Stuðningsmenn ÍR eru bálreiðir út í hans ákvörðun að vilja fara annað á þessum tímapunkti, sérstaklega að fara í félag sem verður í sömu deild og ÍR á næsta tímabili.

Árni náði ásamt Jóhanni Birni Guðmundssyni frábærum árangri með ÍR. Árni lék einnig með ÍR á sínum tíma og var mjög vinsæll meðal stuðningsmanna. Það virðist þó breyst miðað við færslur á X eftir tíðindi gærkvöldsins.