Leah Williamson.
Leah Williamson, sem hefur verið með fyrirliðabandið hjá enska landsliðinu í síðustu leikjum, er meidd og getur ekki tekið þátt í næsta verkefni landsliðsins.
Meiðslin - sem eru að hrjá hana - eru aftan í læri og gæti farið svo að hún spili ekki meira á þessu ári.
Williamson meiddist í 1-1 jafntefli Arsenal gegn Tottenham í ensku úrvalsdeildinni um síðustu helgi. Williamson er algjör lykilmaður fyrir Arsenal.
Williamson, sem getur bæði spilað í vörn og á miðju, gæti misst að allt að sjö leikjum með Arsenal; þar á meðal úrslitaleik FA-bikarsins gegn Chelsea. Sá leikur er snemma í næsta mánuði.
Arsenal er þessa stundina á toppi ensku úrvalsdeildarinnar með einu stigi meira en Chelsea.
Sjá einnig:
Leah Williamson og endurtekna vítaspyrnan
Athugasemdir
