Argentínska liðið Boca Juniors vann Diego Armando Maradona bikarinn eftir 5-3 sigur í vítaspyrnukeppni í úrslitaleiknum gegn Banfield.
Maradona lést í nóvember og var deildabikarkeppni Argentínu endurskírð í höfuðið á honum í kjölfarið.
Maradona lést í nóvember og var deildabikarkeppni Argentínu endurskírð í höfuðið á honum í kjölfarið.
Boca var yfir þegar kom að uppbótartíma í úrslitaleiknum eftir mark frá Edwin Carmona en Luciano Lollo náði að jafna fyrir Banfield í uppbótartímanum. Skömmu áður hafði Emmanuel Mas, leikmaður Boca, fengið rauða spjaldið.
Boca skoraði úr öllum vítaspyrnum sínum á meðan Jorge Rodriguez brást bogalistin hjá Banfield.
„Þessi bikar er til heiðurs Diego," sagði Ramon Abila hjá Boca eftir leikinn. Sigurinn kemur nokkrum dögum eftir að Boca tapaði fyrir Santos í Copa Liberadores keppninni.
Athugasemdir