Fótbolti.net

Óskar Hrafn: Forréttindi að þjálfa þessa tvo ungu menn

Jökull: Eitthvað sem enginn hjá okkur sættir sig við

Leandro: Þegar maður stendur sig vel á Íslandi skapast ýmis tækifæri

Þrenna í fyrsta leik - „Þetta er það sem okkur hefur vantað"

„Töluvert síðan að hópurinn var klár en hann var ekki að spila leikinn í dag"

Siggi Höskulds: Eins og að vera mættur á Pollamótið aftur

Hemmi Hreiðars: Ekki nálægt því að vera þannig

Erfitt að fá mínútur hjá Víkingi - „Vonandi get ég haldið þessu áfram“

Nýliðinn ósáttur þrátt fyrir stóra sviðið: „Við hefðum getað gert aðeins betur“

Alexandra: „Leyfðum þeim að krossa full auðveldlega"

Stigalausar og markalausar - „Auðvitað dreymir mann alltaf um eitthvað“

Fyrirliðinn sér bjarta framtíð: „Hún er á svipuðum aldri og ég þegar ég kom fyrst inn“

Fyrrum leikmaður ÍBV og landsliðsmarkvörður Englands um leikinn

Vilja Fanneyju og Guðrúnu með á eyðieyjuna

Glódís fyrir leikinn gegn Englandi: „Mætum með kassann úti“

Karólína Lea: Þurfum að passa vinkonu mína, hún er heit

Steini: Þurfum að gæta Russo vel inn í boxi

Diljá Ýr: Tek mínu hlutverki og reyni að gera það sem best

Sædís Rún: Auðvitað langar manni að spila á hærra leveli

María um fyrsta landsleikinn: Sérstaklega gaman að fá að spila á móti heimsmeisturunum

þri 30. desember 2025 15:30

Kári Snorrason

Ísak Andri tók fund með meisturunum - „Skoða alla möguleika núna í janúar“

Ísak kom að tíu mörkum í sænsku úrvalsdeildinni á tímabilinu.

Mynd: Guðmundur Svansson

Ísak er 22 ára gamall.

Mynd: Guðmundur Svansson

Ísak Andri Sigurgeirsson, leikmaður Norrköping, ætlar að skoða sig um nú í janúar. Norrköping féll niður í B-deildina í síðasta mánuði, en hann var einn lykilmaður liðsins á tímabilinu.

Nú þegar hafa tveir Íslendingar yfirgefið Norrköping eftir fallið en Arnór Ingvi Traustason fór til KR og Jónatan Guðni Arnarsson til Breiðabliks.

Ísak Andri er þó ekki á heimleið líkt og gömlu liðsfélagarnir en Fótbolti.net ræddi við hann fyrr í dag um tímabilið og næstu skref.

12.12.2025 21:08

Sænsku meistararnir hafa áhuga á Ísaki Andra

„Já, það var ömurlegt að falla. Við töpuðum síðustu sex leikjunum á tímabilinu og fórum í umspil sem endaði ekki vel.“

Norköpping mætti B-deildarliðinu Örgryte í umspili um sæti í Allsvenskan á komandi tímabili. Örgryte vann fyrri leikinn 3-0 en sá síðari endaði með markalausu jafntefli. Stöðva þurfti síðari leikinn í rúma fjórar klukkustundir vegna mótmæla stuðningsmanna Norköpping.

„Stuðningsmennirnir okkar voru með mótmæli, köstuðu blysum og flugeldum inn á völlinn. Þetta var leiðinlegt en maður skilur alveg hvers vegna þessi reiði var.“

Þrátt fyrir fallið er Ísak ánægður með eigin frammistöðu á tímabilinu.

„Já, heilt yfir. Ég byrjaði betur en ég endaði, fyrstu tuttugu leikina. Síðustu leikirnir voru erfiðir fyrir bæði mig og liðið sem heild en heilt yfir var þetta mjög gott tímabil hjá mér.“

Skoðar alla möguleika

„Ég er að skoða alla möguleika núna í janúar, ég veit um einhver lið sem hafa haft samband. Það þarf bara að taka sér tíma og skoða hvað er best í stöðunni.“

Greint hefur verið frá áhuga sænsku meistarana í Mjällby á Ísaki.

„Já, ég hef eitthvað heyrt frá þeim. Tók fund með þeim um daginn en síðan veit maður ekki hvort að það gerist meira en það. Við verðum bara að sjá til. Það er alveg spennandi að heyra frá þeim. Þetta er lítið lið á sænskan mælikvarða þrátt fyrir að hafa orðið meistarar núna. Þeir eru mjög fínir og gaman að heyra af áhuga frá þeim.“

Hefur þú einungis heyrt frá sænskum liðum?

„Það hefur verið mest frá Norðurlöndunum, síðan hefur verið eitthvað utan Skandinavíu. Ég hef enga sérstaka skoðun á þessu. Ég fer bara á þann stað sem mér líst best á.“

Viðtalið má sjá í heild sinni í spilaranum hér að ofan.