Brennan Johnson á eftir að gera upp hug sinn.
Tottenham hefur samþykkt 35 milljóna punda tilboð Crystal Palace í kantmanninn Brennan Johnson. Boltinn er nú hjá leikmanninum sem á eftir að samþykkja skiptin.
Samkvæmt BBC mun velski landsliðsmaðurinn ákveða sig innan 48 klukkustunda en Bournemouth hefur jafnframt sýnt honum áhuga sem arftaka Antoine Semenyo, skyldi hann fara í janúar.
Samkvæmt BBC mun velski landsliðsmaðurinn ákveða sig innan 48 klukkustunda en Bournemouth hefur jafnframt sýnt honum áhuga sem arftaka Antoine Semenyo, skyldi hann fara í janúar.
Johnson var markahæsti leikmaður Tottenham í ensku úrvalsdeildinni á síðasta tímabili með ellefu mörk en hefur aðeins byrjað sex deildarleiki undir stjórn Thomas Frank á þessu tímabili.
Johnson, sem er 24 ára, kom til Tottenham frá Nottingham Forest fyrir 47,5 milljónir punda sumarið 2023 og hefur skorað 27 mörk fyrir félagið.
Athugasemdir
