Sævar Atli Magnússon, fyrirliði Leiknis
Sævar Atli Magnússon, fyrirliði Leiknismanna úr Breiðholtinu var ángæður að fá öll stigin í leik dagsins gegn Magna eftir lélegan leik Leiknis að hans sögn.
Lestu um leikinn: Leiknir R. 2 - 1 Magni
„Þrjú stig. Það er svona það eina sem við getum tekið út úr þessu. Við höfum oft átt betri daga. Vorum eiginlega bara virkilega lélegir. Þannig að fá 3 stig er virkilega mikilvægt þegar maður á vondan dag."
Sævar skoraði sigurmark Leiknis í dag og var hann beðin að lýsa markinu sem hann skoraði.
„Ég er orðinn smá pirraður. Ég sé að þeir eða hann er að fara að negla boltanum fram, þannig að ég set góða pressu á hann og vinn boltan af honum. Síðan bara keyrði ég af stað og næ að komast framhjá einum eða tveim. Lít svo inn í teiginn og sé það eru nokkrir þarna en enginn sem ég þorði að gefa á, þannig ég lét bara vaða. Sem betur fer fór boltinn inn," sagði Sævar í leikslok.
Viðtalið í heild má sjá í spilaranum hér að ofan.
Athugasemdir
