Enski miðjumaðurinn Kalvin Phillips skipti yfir til West Ham United á lánssamningi í janúarglugganum en hefur alls ekki farið vel af stað með Hömrunum.
Hann fékk rautt spjald í 2-0 tapi gegn Nottingham Forest um helgina eftir að hafa gerst sekur um að gefa Bournemouth og Manchester United mörk í fyrstu leikjum sínum fyrir félagið. Hann vonast til að snúa slæmri byrjun sem fyrst.
„Þeir segja að ógæfa komi í þremur þannig að ég vona að minn skammtur sé búinn," sagði Phillips í viðtali við Sky Sports.
„Ég vildi fá ferska byrjun hérna hjá West Ham en þetta hefur ekki farið eins og ég hafði óskað mér, það er augljóst. Ég veit hvernig fótboltinn virkar og ég veit að ef ég legg nógu mikið á mig þá mun gæfan snúast mér í hag. Það er mikil vinna framundan.
„Ég hef ekki spilað reglulegan byrjunarliðsfótbolta svo lengi að ég er ryðgaður. Ég hef vissulega verið að æfa með bestu fótboltamönnum í heimi undanfarin ár en ég þarf að venjast því að spila heila fótboltaleiki. Maður getur æft eins mikið og maður vill en maður kemst ekki í keppnisstand án þess að spila keppnisleiki."
West Ham er aðeins búið að fá eitt stig úr fjórum leikjum frá komu Phillips til félagsins, en næsti leikur er á heimavelli gegn Brentford. Þar mætir Ivan Toney til leiks en hann er strax kominn á skrið eftir átta mánaða fjarveru frá keppnisleikjum.
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Liverpool | 33 | 24 | 7 | 2 | 75 | 31 | +44 | 79 |
| 2 | Arsenal | 34 | 18 | 13 | 3 | 63 | 29 | +34 | 67 |
| 3 | Man City | 34 | 18 | 7 | 9 | 66 | 43 | +23 | 61 |
| 4 | Nott. Forest | 33 | 18 | 6 | 9 | 53 | 39 | +14 | 60 |
| 5 | Newcastle | 33 | 18 | 5 | 10 | 62 | 44 | +18 | 59 |
| 6 | Chelsea | 33 | 16 | 9 | 8 | 58 | 40 | +18 | 57 |
| 7 | Aston Villa | 34 | 16 | 9 | 9 | 54 | 49 | +5 | 57 |
| 8 | Bournemouth | 33 | 13 | 10 | 10 | 52 | 40 | +12 | 49 |
| 9 | Fulham | 33 | 13 | 9 | 11 | 48 | 45 | +3 | 48 |
| 10 | Brighton | 33 | 12 | 12 | 9 | 53 | 53 | 0 | 48 |
| 11 | Brentford | 33 | 13 | 7 | 13 | 56 | 50 | +6 | 46 |
| 12 | Crystal Palace | 34 | 11 | 12 | 11 | 43 | 47 | -4 | 45 |
| 13 | Everton | 33 | 8 | 14 | 11 | 34 | 40 | -6 | 38 |
| 14 | Man Utd | 33 | 10 | 8 | 15 | 38 | 46 | -8 | 38 |
| 15 | Wolves | 33 | 11 | 5 | 17 | 48 | 61 | -13 | 38 |
| 16 | Tottenham | 33 | 11 | 4 | 18 | 61 | 51 | +10 | 37 |
| 17 | West Ham | 33 | 9 | 9 | 15 | 37 | 55 | -18 | 36 |
| 18 | Ipswich Town | 33 | 4 | 9 | 20 | 33 | 71 | -38 | 21 |
| 19 | Leicester | 33 | 4 | 6 | 23 | 27 | 73 | -46 | 18 |
| 20 | Southampton | 33 | 2 | 5 | 26 | 24 | 78 | -54 | 11 |
Athugasemdir
