Liverpool nægir sigur í lokaumferðinni, á heimavelli gegn Crystal Palace, til að tryggja sér fjórða sætið. Nema Leicester vinni Tottenham með miklum mun.

„Þetta var undanúrslitaleikur sem við urðum að vinna og við gerðum það. Það er ekkert ákveðið en núna er úrslitaleikurinn framundan og við verðum að vinna hann," sagði Klopp.

„Við vissum að þetta yrði erfiður leikur, þeir voru með 3000 stuðningsmenn en mér fannst strákarnir höndla þetta frábærlega. Þeir létu ekki slá sig út af laginu og spiluðu góðan fótbolta.

„Við mættum ekki í leikinn til að reyna að bæta markatöluna okkar. Við litum á þetta sem undanúrslitaleik alla leið, þú getur ekki mætt til Burnley og búist við að vinna með þremur. Það er ekki venjulegt.

„Það er aldrei auðvelt að spila við Burnley. Þeir voru mjög erfiðir en við nýttum færin okkar."