Andy Robertson bakvörður Liverpool er ekki búinn að gefast upp á Meistaradeildarsæti fyrir næstu leiktíð en Liverpool er í erfiðri stöðu fyrir tvo síðustu leikina í úrvalsdeildinni.
Liverpool er stigi á eftir Manchester United sem á einnig leik til góða. Liverpool mætir Aston Villa á morgun og Southampton í síðustu umferðinni um næstu helgi.
„Við höfum fundið smá takt. Vonandi náum við að halda honum í síðustu tveimur leikjunum og svo framarlega sem við klárum tímabilið vel gefur það okkur eitthvað til að byggja ofan á það sem við höfum gert síðustu fjögur til fimm ár og ekki á þessu tímabili," sagði Robertson.
„Við verðum að stefna á það. Við vitum að við eigum tvo risa leiki eftir og erum enn á eftir meistaradeildarsæti, við erum að pressa á liðin fyrir ofan okkur. Við verðum að halda áfram og sjáum til hvar við verðum næsta sunnudag."