Heimild: Sky Sports
Manchester United er tilbúið að borga meira en 30 milljónir punda fyrir hinn 16 ára gamla Jude Bellingham. Sky Sports segist geta staðfest þessi tíðindi í kvöld.
Þrátt fyrir ungan aldur hefur hann spilað 26 leiki í öllum keppnum með Birmingham á tímabilinu. Hann kom inn á sem varamaður á 77. mínútu í 1-1 jafntefli gegn Middlesbrough í kvöld, en hann hefur byrjað 18 deildarleiki í Championship á tímabilinu.
The Sun sagði frá því í kvöld að United væri búið að bjóða meira en 30 milljónir punda í miðjumanninn, en Sky Sports segir að félagið sé tilbúið að borga það fyrir hann.
Bellingham hefur einnig vakið áhuga Barcelona, Bayern München, Borussia Dortmund og Liverpool.
Fyrr á þessu tímabili varð Bellingham yngsti leikmaðurinn í sögu Birmingham.
Athugasemdir