Íslendingalið unnu stórsigra í bikarkeppnum í Svíþjóð og Þýskalandi á þessum sunnudegi.
Miðjumaðurinn Alexandra Jóhannsdóttir kom inn á sem varamaður eftir rúman klukkutíma þegar Eintracht Frankfurt vann 1-7 útisigur gegn Andernach.
Þessi leikur var í átta-liða úrslitunum og er Frankfurt því komið í undanúrslitin.
Í Svíþjóð vann Örebro, sem er núna með tvo Íslendinga í sínum röðum, stórsigur á Sundsvall á útivelli. Berglind Rós Ágústsdóttir byrjaði á miðjunni hjá Örebro en markvörðurinn Cecilía Rán Rúnarsdóttir var á bekknum. Þær voru báðar í Fylki á síðustu leiktíð.
Örebro er með þrjú stig eftir tvo leiki en það er leikið í riðlum til að byrja með í bikarkeppninni í Svíþjóð. Efsta lið hvers riðils fer svo í undanúrslit. Örebro er í öðru sæti í sínum riðli en Eskilstuna er á toppnum með sex stig. Örebro tapaði í fyrsta leik sínum á móti Hammarby.
Dieses Team ❤️ Jetzt träumen wir vom Finale in Köln! 🦅#EintrachtFrauen #SGE #DFBPokal #SGASGE pic.twitter.com/jmmBM9pvAg
— Eintracht Frankfurt Frauen (@EintrachtFrauen) March 21, 2021
Athugasemdir