Mainz lagði Hoffenheim að velli í fyrri leik dagsins þökk sé mörkum frá Robert Glatzel og Dominik Kohr.

Hertha Berlin tók svo á móti Bayer Leverkusen í seinni leiknum, kom öllum að óvörum og gjörsamlega rúllaði yfir gestina.

Það var aðeins eitt lið á vellinum og hefðu heimamenn hæglega getað bætt fleiri mörkum við. Lokatölur urðu 3-0 þar sem öll mörkin skoruð á fyrsta hálftímanum.

Dodi Lukebakio lagði tvö mörk upp og kom knettinum sjálfur í netið í síðari hálfleik en markið ekki dæmt gilt. Matteo Guendouzi átti eina stoðsendingu í sigrinum.

Mainz og Hertha eru einu stigi fyrir ofan fallsvæðið sem stendur, með 24 stig eftir 26 leiki. Leverkusen og Hoffenheim hafa verið að spila undir getu, Leverkusen er sjö stigum frá Meistaradeildarsæti á meðan Hoffenheim er í neðri hlutanum.

Hoffenheim 1 - 2 Mainz
0-1 Robert Glatzel ('1 )
1-1 Ihlas Bebou ('39 )
1-2 Dominik Kohr ('41 )

Hertha 3 - 0 Bayer
1-0 Deyovaisio Zeefuik ('4 )
2-0 Matheus Cunha ('26 )
3-0 Jhon Cordoba ('33 )