David De Gea, markvörður Manchester United, vann gullhanskann í ensku úrvalsdeildinni á þessari leiktíð en hann hefur haldið markinu hreinu alls sautján sinnum.

Man Utd vann 0-1 útisigur á Bournemouth í gær og kom sér í frábæra stöðu en liðið þarf nú einungis eitt stig úr síðustu tveimur leikjum sínum í deildinni til að tryggja veru sína í Meistaradeild Evrópu á næstu leiktíð.

De Gea átti flotta vörslu í gær seint í leiknum og sá til þess að gulltryggja stigin þrjú. Hann er hins vegar ekki allra en margir stuðningsmenn Man Utd vilja fá nýjan markvörð í sumar.

„Gullhanskinn? Það þýðir að liðið og ég sjálfur höfum staðið okkur vel. Við höfum verið góðir allt tímabilið. Mér finnst ég hafa spilað mjög vel á þessu tímabili og hjálpað liðinu eins mikið og ég gat,” sagði Spánverjinn.

Erik ten Hag, stjóri Man Utd, var spurður út í De Gea eftir leikinn.

United mætir Chelsea á fimmtudaginn kemur á Old Trafford og svo fær liðið Fulham í heimsókn í lokaumferðinni.