Manchester City 1-0 Chelsea
1-0 Julian Alvarez ('12)
Síðasti leikur dagsins í ensku úrvalsdeildinni var viðureign Englandsmeistara Manchester City og Chelsea á Etihad vellinum í Manchester borg.
Man City varð ensku meistari í gær og því var stemningin mjög góð á Etihad vellinum í dag eins og gefur að skilja. Pep Guardiola gerði alls níu breytingar á liðinu sem valtaði yfir Real Madrid en mörg stór nöfn voru á bekknum hjá meisturunum.
City stjórnaði ferðinni í fyrri hálfleiknum en Chelsea átti sín færi þrátt fyrir það. Argentínumaðurinn Julian Alvarez skoraði sitt sautjándasta mark á tímabilinu á 12. mínútu en hann kláraði þá færið sitt vel eftir góða sendingu frá Cole Palmer.
Chelsea gat jafnaði leikinn en Connor Gallagher átti þá skalla í stöngina auk þess að liðið átti önnur hálffæri. Staðan var 1-0 þegar flautað var til hálfleiks.
Kalvin Phillips var nálægt því að skora sitt fyrsta mark fyrir Man City snemma í síðari hálfleiknum en hann skallaði þá boltann í tréverkið eftir aukaspyrnu. Chelsea brunaði þá í sókn og komst í fínt færi en inn vildi boltinn ekki.
Á 64. mínútu fékk Raheem Sterling dauðafæri til að jafna fyrir Chelsea John Stones bjargaði þá á marklínu. Í kjölfarið var flögguð rangstaða en það var hins vegar mjög tæpt hvort Sterling hafi verið fyrir innan eða ekki.
Alvarez skoraði aftur þegar um tuttugu mínútur voru til leiksloka en hendi var dæmd á Riyad Mahrez í aðdragandanum og markið því réttilega dæmt af. Í kjölfarið var Mahrez tekinn af velli fyrir markahrókinn Erling Haaland. Norðmaðurinn var nálægt því að leggja upp mark með sinni fyrstu snertingu í leiknum en allt kom fyrir ekki.
Leikurinn rann hægt og rólega út og enn einn sigurinn hjá Manchester City staðreynd. Chelsea er í tólfta sæti deildarinnar.
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Liverpool | 36 | 25 | 8 | 3 | 83 | 37 | +46 | 83 |
| 2 | Arsenal | 36 | 18 | 14 | 4 | 66 | 33 | +33 | 68 |
| 3 | Newcastle | 36 | 20 | 6 | 10 | 68 | 45 | +23 | 66 |
| 4 | Man City | 36 | 19 | 8 | 9 | 67 | 43 | +24 | 65 |
| 5 | Chelsea | 36 | 18 | 9 | 9 | 62 | 43 | +19 | 63 |
| 6 | Aston Villa | 36 | 18 | 9 | 9 | 56 | 49 | +7 | 63 |
| 7 | Nott. Forest | 36 | 18 | 8 | 10 | 56 | 44 | +12 | 62 |
| 8 | Brentford | 36 | 16 | 7 | 13 | 63 | 53 | +10 | 55 |
| 9 | Brighton | 36 | 14 | 13 | 9 | 59 | 56 | +3 | 55 |
| 10 | Bournemouth | 36 | 14 | 11 | 11 | 55 | 43 | +12 | 53 |
| 11 | Fulham | 36 | 14 | 9 | 13 | 51 | 50 | +1 | 51 |
| 12 | Crystal Palace | 36 | 12 | 13 | 11 | 46 | 48 | -2 | 49 |
| 13 | Everton | 36 | 9 | 15 | 12 | 39 | 44 | -5 | 42 |
| 14 | Wolves | 36 | 12 | 5 | 19 | 51 | 64 | -13 | 41 |
| 15 | West Ham | 36 | 10 | 10 | 16 | 42 | 59 | -17 | 40 |
| 16 | Man Utd | 36 | 10 | 9 | 17 | 42 | 53 | -11 | 39 |
| 17 | Tottenham | 36 | 11 | 5 | 20 | 63 | 59 | +4 | 38 |
| 18 | Ipswich Town | 36 | 4 | 10 | 22 | 35 | 77 | -42 | 22 |
| 19 | Leicester | 36 | 5 | 7 | 24 | 31 | 78 | -47 | 22 |
| 20 | Southampton | 36 | 2 | 6 | 28 | 25 | 82 | -57 | 12 |
