Aron Einar og Gylfi í landsleik.
Gylfi Þór Sigurðsson hefur ekkert gefið út um það hvort hann ætli að taka fótboltaskóna fram að nýju. Einhverjar sögusagnir hafa verið í gangi um að hann gæti farið að æfa með sínu uppeldisfélagi, FH.
Þá hefur verið rætt um möguleika á því að hann spili á Arabíuskaganum og verði jafnvel samherji Arons Einars Gunnarssonar hjá Al-Arabi í Katar.
Þá hefur verið rætt um möguleika á því að hann spili á Arabíuskaganum og verði jafnvel samherji Arons Einars Gunnarssonar hjá Al-Arabi í Katar.
Aron var gestur í útvarpsþættinum Fótbolti.net og var spurður út í möguleika á því að Gylfi yrði samherji hans.
„Ég ætla að segja sem minnst. Ég ætla að leyfa Gylfa að opna á þessa umræðu þegar hann vill það. Ég ætla ekki að vera að blaðra eitthvað. Þetta verður bara að koma í ljós, hann verður að opna á það sjálfur hvort hann byrji og hvenær," segir Aron.
Age Hareide landsliðsþjálfari Íslands hefur sagt að endurkoma í landsliðið sé opin fyrir Gylfa ef hann endurvekur fótboltaferilinn og Aron segir að dyrnar séu opnar.
„Dyrnar eru opnar, það er alltaf pláss fyrir alvöru gæði í okkar liði. Sama hvort það sé landsliðið eða Al-Arabi."
Í Katar er kvóti á erlenda leikmenn en Aron segir að tveir leikmenn séu að detta út á samningi hjá Al-Arabi sem eru útlendingar.
Athugasemdir
