Fullt nafn: Helgi Valur Daníelsson

Gælunafn: Er oft kallaður Helgi töff eða Helgs af enskumælandi vinum

Aldur: 39 ára

Hjúskaparstaða: Giftur

Hvenær lékstu þinn fyrsta leik með meistaraflokki: 1997

Uppáhalds drykkur: svart kaffi

Uppáhalds matsölustaður: Ölverk Pizzeria, Hveragerði

Hvernig bíl áttu: Nissan Qashqai

Uppáhalds sjónvarpsþáttur: Breaking Bad og Line of Duty. Er núna að horfa á Cougar Town með konunni, dont @ me

Uppáhalds tónlistarmaður: Meshuggah og Nile

Fyndnasti Íslendingurinn: Þorsteinn Guðmundsson

Hvað viltu í bragðarefinn þinn: fæ mér aldrei bragðaref en tek stóran í brauðformi með dýfu og rice krispies

Hvernig hljómar síðasta sms sem þú fékkst: Kæri viðskiptavinur. Mikilvæg skilaboð frá Veitum. Heitavatnslaust verður í þínu hverfi í næstu viku. Sjá nánar á www.veitur.is

Hvaða liði myndir þú aldrei spila með: Cambridge United

Besti leikmaður sem þú hefur mætt: Steven Gerrard, Zlatan

Besti þjálfarinn sem hefur þjálfað þig: Magnus Haglund hjá Elfsborg

Mest óþolandi leikmaður sem þú hefur mætt: allir litlir teknískir miðjumenn finnst mér óþolandi

Sætasti sigurinn: Unnum CSKA Moskva á útivelli og komumst í riðlakeppni Evrópudeildarinnar með AIK 2012

Mestu vonbrigðin: að fótbrotna fyrr í sumar er ferskt í minni og svo féll ég niður um deild þrisvar sinnum og hef heldur aldrei unnið titil í meistaraflokki. Ég gæti haldið áfram...

Uppáhalds lið í enska: Liverpool

Ef þú fengir að velja einn leikmann úr öðru íslensku liði í þitt lið: Gísla Eyjólfs

Efnilegasti knattspyrnumaður/kona landsins: Ísak Bergmann og minn maður Valdimar Þór

Fallegasti knattspyrnumaðurinn á Íslandi: Daði Ólafs, en hann gerir sér bara ekki grein fyrir því sjálfur

Fallegasta knattspyrnukonan á Íslandi: ég pæli voða lítið í útliti knattspyrnukvenna

Besti knattspyrnumaðurinn frá upphafi: Zinedine Zidane

Hver er mesti höstlerinn í liðinu: Arnór Borg heyrist mér vera iðinn við kolann

Uppáhalds staður á Íslandi: Siglufjörður og úti í Atlandshafinu á brimbretti

Segðu okkur frá skemmtilegu atviki sem gerst hefur í leik: þegar ég var tekinn útaf í hálfleik á móti Sviss og við tók einn besti seinni hálfleikur landsliðsins í manna minnum. Ekki skemmtilegt fyrir mig en geggjað fyrir alla aðra Íslendinga

Hvað er það síðasta sem þú gerir áður en þú ferð að sofa: kyssi konuna góða nótt

Fyrir utan knattspyrnu, fylgist þú með öðrum íþróttum: fylgist með öllum World Surf League keppnum, helst big wave keppnum

Í hvernig fótboltaskóm spilar þú: bara þeim sem ég finn í klefanum

Í hverju varstu/ertu lélegastur í skóla: var slakur í dönsku og sundi

Vandræðalegasta augnablik: að segja Helga Sig að ég hefði meiðst á fyrstu æfingunni minni með Fylki, eftir að hafa tekið skóna af hillunni, og að viðurkenna fyrir knattspyrnusamfélaginu að ég horfi á Cougar Town

Hvaða þrjá leikmenn tækir þú með þér á eyðieyju: Óla Skúla, Kára Árna og Sölva Ottesen. Við myndum kannski ekki komast af eyjunni en það væri allavega góð stemning þangað til menn myndu missa sig í örvæntingu og pirring á stöðunni

Sturluð staðreynd um sjálfan þig: ég varð fyrsti íslandsmeistarinn í hacky sack

Hvaða samherji hefur komið þér mest á óvart eftir að þú kynntist honum og af hverju: Ég þekkti nú Arnar Darra aðeins áður en hann kom í Fylki en hann er mikill meistari og með enn betri tónlistarsmekk. Þegar hann roastaði allt liðið í nýliðavígslunni fer í sögubækurnar

Hverju laugstu síðast: að ég væri orðinn fínn í fætinum

Hvað er leiðinlegast að gera á æfingum: hita upp

Ef þú fengir eina spurning til að spyrja hvern sem er: Hver yrði spurningin og hvern myndiru spyrja: Næst þegar ég fer í klippingu ætla ég að spyrja hárgreiðsludömuna hvort þetta sé ekki bara komið gott og best væri fyrir alla að krúnuraka mig bara