Anton Ari Einarsson.
,,Það voru virkilega erfiðar aðstæður en við reyndum að halda boltanum niðri og spila okkar bolta," sagði Anton Ari Einarsson markvörður Vals eftir 2-0 sigur á Þór í dag.
Valsarar eru eftir sigurinn tveimur stigum á eftir Víkingi og Evrópdraumurinn lifir því á Hlíðarenda.
,,Það hefði verið töluvert betra ef við höfðum tekið þrjú stig á móti Víkingi en þetta er ágætt. Við höldum þessu lifandi og vonum að við getum siglt þessu heim. Við reynum að taka einn leik í einu og sjáum hvert það tekur okkur."
Anton varð tvítugur í síðasta mánuði en hann hefur varið mark Vals í síðustu fjórum leikjum og haldið hreinu í tveimur þeirra.
,,Ég er þokkalega sáttur. Ég hef ekki haft mikið að gera í þessum tveimur hreinu lökum en það er fínt," sagði Anton.
Hér að ofan má sjá viðtalið í heild sinni.
Athugasemdir
