Grindvíkingurinn öflugi hefur tekist að festa sæti sitt í liðinu í síðustu leikjum en hann var í byrjunarliði Blackpool í fjórða sinn í dag.

Áhrif hans í liðinu virðast mikil en hann hefur unnið alla leiki sína til þessa, þrjá deildarleiki og einn bikarleik.

Hann var í hjarta varnarinnar í dag er liðið vann Peterborough 2-1 í þriðja deildarsigrinum í röð.

Blackpool er þar með komið upp í 14. sæti C-deildarinnar með 16 stig.

Jökull Andrésson stóð þá á milli stanganna er Exeter tapaði fyrir Oldham, 2-1, í ensku D-deildinni. Þetta var fyrsti tapleikur Jökuls með Exeter í deildinni en hann er á láni frá enska B-deildarliðinu Reading.

Exeter er í sjötta sæti deildarinnar með 21 stig.