Enzo Fernandez
Enska úrvalsdeildarfélagið Liverpool er að undirbúa risatilboð í argentínska miðjumanninn Enzo Fernandez. Þetta segir ítalski blaðamaðurinn Gianluca Di Marzio.
Enzo, sem er 21 árs gamall, var valinn besti ungi leikmaðurinn á HM í Katar.
Þessi öflugi miðjumaður er á mála hjá Benfica í Portúgal en hann kom til félagsins í sumar frá River Plate.
Liverpool hefur mikinn áhuga á kappanum og er félagið reiðubúið að leggja fram risatilboð í kappann.
Mörg félög eru áhugasöm um að fá Enzo sem var eftirsóttur af ítölskum félögum í sumar en Benfica tókst að næla í hann fyrir 10 milljónir evra.
Benfica mun græða verulega á leikmanninum en félagið hefur sett 100 milljón evra verðmiða á miðjumanninn.
Athugasemdir
