Tveimur síðustu leikjum dagsins var að ljúka hjá Íslendingaliðunum í kvennaboltanum erlendis og lék hin bráðefnilega Ragnheiður Þórunn Jónsdóttir allan leikinn í liði PEC Zwolle.
Ragnheiður er 18 ára gömul og virðist vera búin að vinna sér inn fast sæti í byrjunarliði Zwolle, sem lagði AZ Alkmaar að velli í dag.
Zwolle verðskuldaði sigurinn gegn AZ fyllilega þó að lokatölurnar hafi aðeins verið 0-1 og er liðið í harðri toppbaráttu.
Zwolle situr í fimmta sæti hollensku deildarinnar en er aðeins fjórum stigum frá toppliði Ajax í þéttum pakka. Zwolle er með 21 stig eftir 10 umferðir.
Ragnheiður er algjör lykilleikmaður í U19 landsliði Íslands og lék með Haukum og Val á Íslandi áður en hún flutti til Hollands.
Telma Ívarsdóttir er varamarkvörður Rangers og sat á bekknum í þægilegum sigri á útivelli gegn Aberdeen.
Rangers er í öðru sæti eftir sigurinn með 31 stig eftir 14 umferðir, sjö stigum á eftir toppliði Glasgow City sem er enn taplaust.
AZ Alkmaar 0 - 1 PEC Zwolle
Aberdeen 0 - 3 Rangers
Athugasemdir
