Franski sóknarmaðurinn Kylian Mbappe verður með Real Madrid í úrslitaleik Ofurbikarsins gegn Barcelona á sunnudag en þetta staðfesti Xabi Alonso, þjálfari liðsins, eftir 2-1 sigurinn á Atlético í gær.
Mbappe var ekki með Madrídingum gegn Atlético vegna meiðsla en hann hefur verið þeirra besti maður á tímabilinu.
Real ætlar að leggja allt í sölurnar gegn erkifjendum sínum í Barcelona og hefur nú ákveðið að fljúga Mbappe til Sádi-Arabíu fyrir úrslitaleikinn.
„Hann kemur til Sádi-Arabíu á næsta sólarhringnum. Honum líður mun betur og á möguleika á því að spila,“ sagði Alonso í viðtali eftir leikinn.
Mbappe hefur skorað 29 mörk í 24 leikjum á tímabilinu ásamt því að leggja upp fimm mörk.
Spænski boltinn er á Livey en hægt er að nálgast áskrift með því að smella á tengilinn
Athugasemdir
