Gabriel Martinelli kom sér í vesen undir lok leiks
Brasilíski leikmaðurinn Gabriel Martinelli var skúrkur kvöldsins í ensku úrvalsdeildinni en hann sá gula spjaldið fyrir óíþróttamannslega hegðun undir lok leiks í markalausa jafnteflinu gegn Liverpool.
Atvikið átti sér stað á lokamínútunum. Conor Bradley meiddist á hné og lá sárþjáður á vellinum á meðan hann beið eftir aðhlynningu.
Martinelli var brjálaður yfir þessu og taldi líklega í fyrstu að Bradley væri að gera sér upp meiðsli.
Hann reyndi að ýta honum út af vellinum sem vakti hörð viðbrögð hjá leikmönnum Liverpool og brutust út mikil læti í kjölfarið.
Martinelli sá gula spjaldið ásamt nokkrum öðrum á vellinum, en skömmu síðar var Bradley borinn af velli á sjúkrabörum.
Hægt er að sjá þetta atvik hér fyrir neðan.
Sjáðu atvikið hér
Athugasemdir
