Fótboltafréttamaðurinn Fabrizio Romano greinir frá því að ítalski þjálfarinn Thiago Motta mun samþykkja þriggja ára samningstilboð frá Juventus á næstu sólarhringum.
Motta hefur gert frábæra hluti við stjórnvölinn hjá Bologna og er Juve í þjálfaraleit eftir að hafa rekið Massimiliano Allegri úr starfi á dögunum.
Motta hefur verið efstur á óskalista stjórnenda Juventus undanfarna mánuði og mun hann samþykkja tilboð félagsins eftir að hafa átt viðræður bæði við stjórnina hjá Juve og Bologna á síðustu dögum.
Hann mun tilkynna stjórnendum Bologna ákvörðun sína á næstu dögum og fær hann þriggja ára samning hjá Juve sem er um 15 milljón evra virði.
Athugasemdir
