Fótbolti.net

Óli Íshólm: Skutu allir í sama horn og í 5. flokki

Rúnar Páll: Þetta eru skrýtnir tímar

Jón Sveins: Fred, Albert og Orri áttu ekki að vera í hóp

Ragnar Bragi: Alls ekki fúlir út í hann

Arnar Gunnlaugs: Hann tók ekki línuna alla leið

Daníel Laxdal: Við fundum glufurnar í þeirra liði

Brynjar Björn: Var pínu órólegur á kafla

Magnús Már: Vonandi er hægt að byrja að spila sem fyrst

Gústi Gylfa: Færð ekki mörg færi á móti Breiðablik

Guðmundur Þór: Klárt mark á mig

Ási Arnars: Þetta eru sérstakar aðstæður

Rúnar Kristins: Öll þjóðin þarf að taka eitt skref til baka

Óskar Hrafn: Hefðum getað lent undir

Arnar Grétars: Ætluðum að gera eitthvað af viti í bikarnum

Höskuldur Gunnlaugs: Fagmannleg frammistaða

Almarr hundfúll að detta úr bikar: Alltaf ömurlegt

Gary Martin: Auðveldara en í Lengjudeildinni

Helgi Sig: 'Masterplanið' gekk eftir

Logi Ólafs: Viljum fara alla leið

Sveinn Elías um enga áhorfendur: Þetta var stórfurðulegt

mið 22. júlí 2020 23:50

@SEinarsson

Sverrir Örn Einarsson

Gaui Þórðar: Ekkert gaman á svona kvöldum

Guðjón Þórðarson þjálfari Víkings Ó.

Mynd: Fótbolti.net - Hafliði Breiðfjörð

Guðjón Þórðarson sneri aftur á hliðarlínuna í íslenska boltanum þegar hann stýrði Víkingum frá Ólafsvík í fyrsta sinn gegn Leikni R. á Domusnovavellinum í Breiðholti fyrr í kvöld. Óhætt er að segja að Guðjón hafi ekki fengið neina draumabyrjun en lokatölur urðu 5-0 og ærið verkefni bíður Guðjóns að rífa Víkinga upp fyrir næsta leik.
Guðjón mætti í viðtal við fréttaritara að leik loknum.

Lestu um leikinn: Leiknir R. 5 - 0 Víkingur Ó.

„Það var nú ekki stefnt að þessu. En við vissum svo sem að við myndum fá erfiðan leik á móti Leikni og Leiknir spilaði vel og ég óska þeim til hamingju með sigurinn. Við skutum okkur nokkrum sinnum í fótinn og það kostaði okkur svo sannarlega.“

Guðjón er nýtekin við Víkingum eins og flestum sem fylgjast með knattspyrnu ætti að vera ljóst og hefur ekki haft mikin tíma með liðinu til að koma sínu handbragði á það. Sér hann möguleika í hópnum eða telur hann að bæta þurfi við þegar glugginn opnar?

„Ég þarf bara að meta stöðuna. Nú fær maður kærkomið tækifæri til þess. Við tókum tvær taktískar æfingar á mánudag og þriðjudag til að undirbúa okkur fyrir þennan leik og það voru einstaklingsmistök sem gengu gegn okkur snemma leiks og þegar þú færð mark á þig í byrjun seinni hálfleiks eftir tvær mínútur þá er mjög erfitt eftir 3-0. Það kom í ljós að það voru margir sem að hengdu haus og það var erfitt. Þetta var svona ákveðið test og maður verður að lesa í hópinn og meta stöðuna hvað verður gert. “

Guðjón er að snúa aftur eftir átta ára fjarveru úr íslenskum fótbolta og semur við Víkinga út tímabilið. En sér hann þetta fyrir sér sem langtímaverkefni?

„Ég er bara ekki einu sinni komin þangað og er ekki farinn að hugsa svona langt. Ég er bara rétt í hverri viku fyrir sig og var að byrja núna og við verðum bara að sjá hver staðan verður. Þetta verður tekið viku fyrir viku fram á haust og undirbúið fyrir hvern leik. Leikirnir koma í hrúgu og það er lítill tími til undirbúnings og það verður að takast á við það og vinna úr því eins vel og nokkur kostur er. Svo verðum við bara að taka stöðuna í haust.“

Þrátt fyrir tap í dag og svekkelsið sem því fylgir hvernig er tilfinningin að snúa aftur í boltann?

„Það er alltaf gaman í boltanum en ég get alveg viðurkennt að það er ekkert gaman á svona kvöldum eins og í kvöld. Þetta særir mann og maður keppist bara við að bæta það og reyna að laga það sem til þarf fyrir næsta leik. Það er stutt í næsta leik og vonandi náum við að stilla okkur saman fyrir þann leik því það eru allir leikir í þessari deild erfiðir.“

Sagði Guðjón Þórðarson en allt viðtalið má sjá hér að ofan.

Athugasemdir

Nýjustu fréttirnar