Sölvi við undirskriftina í dag.
Varnarmaðurinn Sölvi Geir Ottesen er genginn aftur í raðir Víkings í Reykjavík. Hann skrifaði undir þriggja ára samning. Þetta var staðfest á fréttamannafundi í Fossvoginum rétt í þessu.
Þessi 33 ára miðvörður lék með Víkingum áður en atvinnumannaferill hans erlendis hófst. Sölvi hóf atvinnumannsferilinn hjá Djurgarden í Svíþjóð 2004 og spilaði svo einnig með SönderjyskE og FC Kaupmannahöfn í Danmörku áður en hann hélt til Rússlands og svo til Kína og Tælands.
Á ferlinum hefur hann unnið sjö stóra titla á Norðurlöndunum og i Kína. Hann hefur spilað 28 landsleiki.
„Víkingur lýsir yfir mikilli ánægju með að Sölvi sé nú kominn aftur heim og stefni á að ljúka þessum glæsilega ferli á sama stað og hann hófst. Sölvi skrifar undir þriggja ára samning við Víking sem tekur gildi þegar núverandi samningi hans í Kína lýkur," segir í tilkynningu Víkinga.
Víkingar enduðu í 8. sæti Pepsi-deildarinnar á liðnu tímabili. Logi Ólafsson heldur áfram sem þjálfari liðsins en Arnar Gunnlaugsson var á dögunum ráðinn aðstoðarmaður hans í stað Bjarna Guðjónssonar sem fór til KR til að verða aðstoðarmaður Rúnars Kristinssonar.
Sölvi býr sig undir að fara í treyjuna #fotboltinet pic.twitter.com/CLqvFCbndd
— Elvar Geir Magnússon (@elvargeir) November 22, 2017
Athugasemdir
