Ítalía: Fellur ekkert með nýliðunum

Bologna og Cremonese gerðu 1-1 jafntefli í Seríu A á Ítalíu í kvöld en það virðist ekkert falla með nýliðunum á þessu tímabili.

David Okereke kom Cremonese yfir með marki úr vítaspyrnu á 50. mínútu leiksins en það tók heimamenn einungis fimm mínútur að jafna metin.

Rúmenski varnarmaðurinn Vlad Chiriches varð þá fyrir því óláni að skora í eigið net.

Lokatölur því 1-1. Cremonese hefur ekki unnið leik á tímabilinu og er í neðsta sæti með 8 stig á meðan Bologna er í 11. sæti með 23 stig.