Þessa stundina er í gangi leikur á milli Lazio og Bayern Munchen í Meistaradeild Evrópu.
Þetta er fyrri leikur liðanna í 16-liða úrslitunum og þegar þetta er skrifað leiða gestirnir með þremur mörkum gegn engu.
Robert Lewandowski kom Bayern yfir í leiknum en það var hinn ungi Jamal Musiala sem tvöfaldaði forystuna fyrir Evrópumeistarana.
Með þessu marki varð Musiala yngsti Englendingurinn sem hefur skorað mark í Meistaradeild Evrópu. Musiala er ennþá 17 ára en hann verður 18 eftir þrjá daga.
Þetta var ekki eina metið sem Musiala var að setja en hann er einnig yngsti leikmaðurinn í sögu Bayern Munchen sem skorar í keppnisleik.
Þá varð hann á sama tíma næst yngsti leikmaðurinn í sögu útsláttarkeppninnar sem skorar. Bráðefnilegur leikmaður þarna á ferðinni sem hefur verið að fá tækifæri hjá Bayern upp á síðkastið.
Athugasemdir
