Dregið var í 16-liða úrslit Evrópudeildarinnar í Nyon í Sviss í dag en enska úrvalsdeildarfélagið Liverpool mætir tékkneska liðinu Sparta Prag.
Liverpool mætir Sparta Prag í fyrsta sinn síðan tímabilið 2010-2011 en þá áttust liðin við í 32-liða úrslitum Evrópudeildarinnar þar sem Liverpool vann samanlagt, 1-0.
Brighton mætir sterku liði Roma á meðan Marseille spilar við Villarreal, sem vann keppnina tímabilið 2020-2021.
West Ham United mætir þýska liðinu Freiburg. West Ham vann Sambandsdeild Evrópu á síðustu leiktíð.
Lærisveinar Xabi Alonso í Bayer Leverkusen mæta Qarabag frá Aserbaídsjan, sem er að spila í fyrsta sinn í 16-liða úrslitum Evrópudeildarinnar.
Leikirnir verða spilaðir 7. og 14. mars.
Drátturinn:
Sparta Prag - Liverpool
Marseille - Villarreal
Roma - Brighton
Benfica - Rangers
Freiburg - West Ham
Sporting - Atalanta
Milan - Slavía Prag
Qarabag - Bayer Leverkusen
Athugasemdir