„Þetta eru allt alvöru viðureignir en þessi kom á óvart," sagði Ólafur Kristjánsson, þjálfari FH, eftir dráttinn í Mjólkurbikarnum í dag.
FH mætir Val í sannkölluðum stórleik á Hlíðarenda þann 1. maí.
FH mætir Val í sannkölluðum stórleik á Hlíðarenda þann 1. maí.
„Þetta er bara spennandi. Við spiluðum síðast keppnisleik þann 30. mars, það hefur verið lítið um þá undanfarið. Það er bara frábært að fá Val í 32-liða úrslitum."
FH mætir nýliðum HK í fyrstu umferð Pepsi Max-deildarinnar sem að hefst á föstudag. Leikurinn í Krikanum er á laugardag klukkan 16:00.
„Það verður gaman að fá HK í Krikann. HK-ingar hafa verið að gera fína hluti í vetur. Þeir eru með góðan þjálfara og gott lið, þeir verða verðugir andstæðingar á laugardag. Það er mikil spenna í okkar herbúðum."
Ólafur segir erfitt að meta í hversu góðu standi leikmenn sínir séu í .
„Það er alltaf eitthvað smotterí hér og þar. Það er erfitt að segja nákvæmlega í hvaða standi liðið er þegar við spiluðum síðast keppnisleik 30. mars. Fyrst og fremst er bara tilhlökkun að komast loksins í gang og fara að gera eitthvað."
„Við þurfum að sparka í rassagatið á okkur hvað varðar það að kynna þessa deild og láta fólk vita að á Íslandi verði spilaður skemmtilegur fótbolti í sumar. Mér finnst þessi deild sjarmerandi og við þurfum að vera betra í því að tala hana upp heldur en niður," sagði Óli að lokum.
Viðtalið við Óla má sjá í heild sinni hér að ofan.
