Mynd: Getty Images

Valladolid vann gríðarlega mikilvægan sigur á spænsku meisturunum í Barcelona í kvöld.

Valladolid komst yfir strax á 2. mínútu þegar Andreas Christensen skallaði boltann í eigið net með miklum tilþrifum. Tuttugu mínútum síðar fékk Valladolid vítaspyrnu.

Kanadamaðurinn Cyle Larin skoraði af miklu öryggi framhjá Marc Andre Ter Stegen sem var að fá á sig sjötta markið í síðustu þremur leikjum. Hann hafði fengið á sig 11 mörk í síðustu 33 leikjum fyrir það.

Ter Stegen var tekinn af velli í hálfleik fyrir Inaki Pena sem fékk á sig þriðja markið þegar skammt var til leiksloka. Robert Lewandowski tókst að klóra í bakkann en nær komst Barcelona ekki.

Ter Stegen var nálægt því að jafna met Petr Cech sem fékk á sig 15 mörk hjá Chelsea tímabilið 2004/05 en nú er ljóst að það er úr sögunni.

Villarreal er þremur stigum frá fallsæti þegar liðið á tvo leiki eftir en Getafe er í sætinu fyrir neðan en á þrjá leiki eftir.